حوار مع نفس غرتها الدنيا وهواها

الموضوع دة عشانك مخصوص
مش عشان نقولك انت وحش
لا
عشان بنحبك فى الله
ولاننا المتحابين فى الله
عايزين كل الناس تحب الخير لبعض فى الله

بس انت ارجع خمس خطوات لورا
استنشق بعض الهواء
ارفع غطاء عين وبحلق كويس للكلام
الكلام دة كله عن ايه !
حاضر حاضر ما تزهقش
الكلام دة عن الموسيقى

ليه الموسيقى

هو احنا خلاص سيبنا كل حاجة وهنمسك فى الموسيقى !!
هقولك ما تستهرش باثمها وذنبها
واوعى تفتكر انها حاجة بسيطة
قبل اى حاجة اسم كلام ربك والرسول عن اللى يسمع الموسيقى
اولا كلام ربنا
" ومن الناس من يشترى لهو الحديث ليضل به عن سبيل الله "
سيدنا عبد الله بن مسعود لما سمع الايه قال ايه !!
قال والله انه الغناء

طيب عشان ماطولش نقول كلام الرسول !!
نقوله

((ليكونن من أمتي أقوام يستحلون الحر والحرير والخمر والمعازف

ولينزلن أقوام إلى جنب علم يروح عليهم بسارحة لهم يأتيهم لحاجة فيقولون ارجع إلينا غدا

فيبيتهم الله ويضع العلم ويمسخ آخرين قردة وخنازير إلى يوم القبامة))

الحديث فى صحيح البخارى وموجود فى السلسلة الصحيحة للشيخ الالبانى
تخيل لما الرسول يصنف الموسيقى والمعازف جنب الزنا والخمور
بقى بتغامر بنفسك وخلقك الجميل دة
وتغضب منك ربك و الرسول عشان خاطر الموسيقى ؟
سيبك من فتوى اى شيخ
لانك مش هتسمع فتوى بعد كلام الله والرسول وصحابى زى الشيخ بن مسعود
واسمع كمان سيدنا عثمان بن عفان قال ايه
" ما تغنيت قط "

واشمعنى الموسيقى بالذات
ليه يعنى
اقولك ليه
الموسيقى بتضيع فيا وقت هيسالك عنه ربك وصحه ومال

ازاى ؟
لانك بتقعد تسمع موسيقى فى وقت انت اولى به
والصحه اللى هتضيعها هى صحه قلبك
اللى اغلى من صحة البدن
سيدنا عبد الله بن مسعود قال (ان الغناء ينبت النفاق فى القلب )
طب اسال انا بقى ؟؟
بتسمع موسيقى ليه ؟؟

لانها بتطربنى ودة فن

عايز تبقى من اللى قال عليهم الرسول " وقال الرسول يارب ان قومى اتخذوا هذا القران مهجورا "

بس انا بسمع قران برضوة

كمان !!
ازاى تسمع صوت الشيطان وتعصى كلام الرسول وفى نفس الوقت تسمع قران ؟؟
طبعا مش هتسيب القران عشان مش تبقى منافق
ها

بتسمع موسيقى ليه تانى ؟؟

اوقات بكون حزين وبحس ان الموسيقى بتواسينى

يا اخى

ايه اللى يواسيك
تسيب مواساة الرسول فى ابتلاءه بالقران وتواسى نفسك بصوت الشيطان !!
بدل ما تقع فى مصيبه وتقول انا لله وانا اليه راجعون.. بتسمع موسيقى
الموسيقى بتزيد الحزن يا اخى
لكن تعالى للى يطيب حزنك بجد
كتاب الله
"الا بذكر الله تطمئن القلوب"

طيب انا فعلا ماقدرش اسيبها

لا تقدر
لانك مش مخلوق وفى اذنك موسيقى
انت مخلوق بفطرتك على طبيعه خلق الله

طيب ايه البدايل للى بيسمع موسيقى !!
بسيطة اوى
اولا

انوى انك فعلا تسيبها ودلوقتى حالا لوجه الله
" من ترك لله عوضه الله"
واوعى تسمح لنفسك تقولك دى موسيقى عادية او اغانى قديمه
لان نص الحديث كان الموسيقى نفسها مش الاغانى

ثانيا

تسمع كلام ربك بدل من كلام الاغانى
ابدا بكتاب الله واستشعر معانية
وافتكر انك فى اى لحظه ممكن تموت
تحب تموت وتبعث يوم القيامه وانت بتغنى لعمرو دياب ولا ام كلثوم !!
ولا تموت وانت بتحب كتاب ربك وتبعث عليه
ويقول لك ملاك " اقرا ورتل وارتقى فان منزلتك عند اخر ايه كنت تقراها فى الدنيا "

يا الله
دة بتقراه ودة بتقراه
بس حاجة تقراها ترفعك فووووووووق
وحاجة تقراها تنزلك تحت اوى
اختار بقى اللى يعجبك

ثالثا :

اسمع اناشيد اسلامية
بجد هتقول ازاى مش سمعتها قبل كدة
بس اوعى تسمع اناشيد فيها موسيقى
لان نص الحديث وااااااااااااااضح
الموسيقى والمعازف
مش الاغانى نفسها
يبقى تسمع اناشيد
وفيه منشدين كتير اوى اناشيدهم بدون موسيقى

وصوتهم جميل اوى زى ابو خاطر ومشارى راشد ومشارى العرادة وغيرهم كتير اوى

واخيرا مع ان الكلام كتير
الشيطان هيزود لذه الغناء والموسيقى اكتر فى عينك
لانه مش عايزك تتوب
يا ترى هتخليه يفوز عليك !!
ها
يا ترى هترفع ايدك دلوقتى وتقول يارب
يارب مش هسمع موسيقى تانى عشان انال حبك وحب رسولك
لسه مش رفعتها ؟؟

------------ --------


اغيب وذو اللطائف لا يغيب ... وارجوه رجاءا لا يخيبُ
واساله السلامة من زمانٍ ... بليت به نوائبه تشيبُ
وانزل حاجتى فى كل حالٍ .. الى من تطمئن به القلوبُ
فكم لله من تدبير امرٍ .. طوته عن المشاهدة الغيوبُ
ومن لى غير باب الله بابٌ .... ولا مولى سواه ولا حبيبُ

اللهم اجعل اخر كلامي في الدنيا لا اله الا الله محمد رسول الله
اللهم ما كان من خير فمن الله و حده .. و ما كان من شر فمني او من الشيطان
اللهم لا تجعلنا ممن ضل سعيهم في الحياة الدنيا وهم يحسبون انهم يحسنون صنعا

شـكــ وبارك الله فيك ـــرا لك ... لك مني أجمل تحية .